Aruba Marriott Resort tin su Job Fair cual ta tumando luga te cu 9’or di anochi. Tin varios posicion habri den e diferente departamentonan cu tin nan booth den e ballroom.
Ya for di 12’or di merdia tabata tin basta hende cu a bin na e Job Fair, pa asina cera conoci cu Marriott, cual ta e vacaturanan cu nan tin habri.
Marriott mes tin hopi tempo sin a tene un jobfair. A dicidi pa haci e jobfair aki, pa asina e hendenan por yega un tiki mas cerca di Marriott. Por ta pa esnan cu tin pregunta, na e sitio, tin e managernan disponibel pa contesta tur loke nan tin mester di sa. Y si tin un trabao cu ta interesa nan, nan por aplica “on site”.
Tin un total di 16 booth den e Ballroom pa representa tur e departamentonan cu tin vacatura habri.
Tin vacatura den Lost & Prevention, den F&B, At your Service Center entre otro. Tin trabaonan full time, part time y tambe on call. Asina bo tin tempo ainda pa pasa na Marriott te cu 9’or di anochi, y si bo ta interesa den un trabao den e sector di Horeca, esaki ta bo chens.