Pasa busca bo mascota awe ainda prome cu 4’or na Luna Foundation

Awe, diadomingo, 16 di Juni, ta e dia ideal pa bo adopta un cacho, sea un puppy of un cacho adulto y Luna Foundation t’ey pa dunabo e oportunidad aki. Si bo ta sintibo bo so, of bo kier regala hasta papi of e muchanan e miho amigo di hende, pasa libremente na Keito 7-G y tira un bista riba e mascotanan aki cu ta ansioso pa haya un cas.

Shuska Kock, un di e voluntarionan di Luna Foundation, ta splica cu nan tin un total di 20 cacho den e fundacion. Pa bo por adopta un puppy, e ta 150 florin, cual ta encera e prome vacuna y tambe su sterilisacion.
Un cacho adulto ta costa 150 florin y esey ta encera tambe cu bo ta hay’e sterilisa of castra.

 

Bo tambe ta stima cacho? Adoption Day di Luna Foundation Aruba Inc ta awe 🐶🐕

Posted by 24ora on Sunday, June 16, 2019

 

Exigencianan

Pero pa bo haya sea un puppy of cacho adulto, tin cierto exigencianan. Esunnan di mas importante ta cu mester tin un cura y e cura mester ta cera. Ta haci un vetcheck tambe. Si bo tin cacho na bo adres inscribi, ta check cu Veterinario si en berdad bo ta hiba e cachonan tuma nan vacuna anual, si nan ta  pasobra a paga p’e. Tin un checklist y ta haci un bishita na cas.

Fundacion Luna ta laga e persona bay cu e cacho. Semper ta conseha cu si bo tin mas cacho, ta consehabel pa por topa na un luga neutral. No na e propiedad di e doño, sino pa topa cu e cachonan na un parke of otro caminda. Tambe si por hib’e cas tambe pa wak si ta bay bon cu e cacho.

Te ki ora

Awe nan tey te cu 4’or di atardi na Keito 7-G. E ta dilanti Buccaneer Restautrant y tin hopi bandera colorido. Di e forma por reconoce unda e fundacion ta awe. Pa mas informacion tambe por sigui Luna Foundation riba nan pagina di Facebook. Por tuma contacto cu Luna Foundation na 5636567.

Comments

comments