PARTIDO MFK (Korsou): Meta pa un Korsou limpi, bunita ku medio ambiente balansa

34

Un di Partido MFK su metanan ta pa Kòrsou ta Limpi, bunita i ku un medio ambiente balansa. Den kuadro di esaki i den luna di sèptèmber ku ta luna di limpiesa partido MFK i su lider máksimo Gilmar “Pik” Pisas, ta felisitá tur ku a kontribuí i apoyá e akshon nan di limpiesa general di djasabra 19 di sèptèmber último ku tabata dia internashonal di limpiesa, danki ku huntu nos por a uni forsa i asina demonstrá ku huntu nos por tene Kòrsou limpi i bunita.

Frakshon di MFK, ya a entrega un proyekto di lei na Parlamento pa baha gastu di shushi i lo sigui bringa riba otro faktornan pa un medio ambiente mas limpi i pa mas kòntròl, eliminashon di saku di plèstik i pa un landfill mas den área di Bándariba pero modernisá i bin ku un fasilidat di resiklahe pa tur tipo di material i asina ta evitá ku shushi ta wòrdu di dùmp den mondi.

Despues di akshonnan di limpiesa di djasabra último, MFK lo sigui ku su akshon di limpiesa pa duna aporte na bunitesa di Kòrsou i ta hasi un apelashon riba Gobièrnu di Kòrsou pa ban stòp di pensa ku ta den luna di sèptèmber so mester limpia Kòrsou, pero pa bin ku proyektonan ku durante hinter aña ta tene Kòrsou limpi.