Despues di un mal entendido recientemente riba importacion di material di
campaña di algun partido politico, Partido MAS kier aclarea cu nan si ta cumpli
cu regla debidamente.
Ta asina cu despues di a haci tur posibel pa busca
material di campaña for di companianan local, Partido MAS mester a opta pa
busca algun parti di material for di afo ora cu no tabata posibel pa haña e color
corecto aki mes. Partido MAS, a busca algun tshirt y bandera for di Venezuela, cu
a keda declara debidamente na momento di transportacion. Sinembargo, e
compania di transporte a agrega un extra pakete na e carga, sin pone Partido
MAS na altura.
Na momento di controla eskai na su yegada, cuerpo di aduana a
haci nan trabow manera mester ta y a informa e partido di e situacion. Partido
MAS mesora a atende cu esaki debidamente y a cumpli cu reglanan cu a keda
stipula pa e infraccion aki. Partido MAS kier pone enfasis cu e carga di e partido,
NO ta liga na ningun otro partido politico. Nos ta spera di por a aclarea e
situacion confuso aki, y mustra pueblo cu Partido MAS un biaha mas ta
demonstra di ta honesto y transparente den su manera di traha. Na mes
momento, awor cu tur material di campaña a yega, Partido MAS ta tuma e
oportunidad pa invita tur sostenedor di partido pa pasa busca nan material na
cas di MAS na playa.
