Partido Inovashon Nashonal (PIN): Ta organisá Curacao Medical Cannabis Webinar

252

Despues ku Partido Inovashon Nashonal (PIN) a kana e trayekto pa yega na legalisashon di Kanabis Medisinal na nòmber di gobièrnu di Kòrsou i a presentá esaki na Komishon Sentral di parlamentu, a surgi varios pregunta i insentidumbre den komunidat rondó di e posibilidatnan ku e legalisashon ta brinda.

Den e kuadro aki Partido Inovashon Nashonal ta organisá un seminario virtual ku e meta prisinpal pa informá esnan ku interes i komunidat en general pa asina trese klaridat riba diferente aspekto,  entre otro di salú, entrepreneurship i e oportunidatnan pa trabou den e industria di Kanabis Medisinal.

Lo tin 4 oradó ku ta kubri diferente tema ku ta regardá e industria di Kanabis Medisinal. Un di nan lo ta Lorenzo Rolim da Silva, presidente di “Industrial Hemp Association” di Latino Amerika ku lo papia tokante Kanabis industrial. Un otro oradó ta Dr. Paola Cubillos ku ta un médiko Colombiano estabelesé na Kanada, spesialisá den medisina integrativo i e lo trata e topiko “evidence-based use of medical cannabis” durante e seminario virtual.

E webinar lo tuma lugá djasabra awor 9 di yanüari di 6 pa 8:15 p.m. por medio di Zoom.

Pa mas informashon tokante registrashon i partisipashon por subi riba retnan sosial di PIN i tambe di Suzy Camelia-Römer.

Di un forma inovativo partido PIN ta kontribuí na informashonnan di e pueblo di Kòrsou i tambe rekoudá fondo pa partisipá na e próksimo elekshon elektoral di 19 di mart.