Ta falta superlativo pa describi e parada gigantesco di partido AVP di ayera. Miles y miles di auto dorna cu bandera y sticker di e partido berde a pasa riba varios careteranan di Aruba. Di tur districto di Aruba candidatonan a sali den grandi pa mustra pueblo cu AVP ta sigui goberna e pais aki pa 4 aña mas. Esaki pa e simpel motibo cu tur hende ta wak cu nan propio wowo e tantismiso trabou cu a wordo haci door di e actrual gobierno. Pueblo kier pa esaki sigui. Na cierto momento a dicidi den palabracion cu polis cu e grupo grandi encabesa pa Mike de Meza cu a sali di San Nicolas lo join e parada na rotonde di Tanki Leendert si no camindanan lo a congestionan totalmente. Asina a sosede cu Mike de Meza, kende tabata hunto cu demas candidatonan di San Nicolas, no a pasa den Ponton ni Alto Vista, ni Kudawecha, pa cos no pega completamente. Aunke cu contra partido a trata di kibra e parada, nan no tabatin ni e minimo di chens pa logra esaki, ya cu, cu e cantidad enorme di auto di partido AVP esaki tabata pa nan tabata un tarea imposibel. Tur caminda na banda hendenan tabata aglomera pa anima, apoya y goza di e tremendo parada cu partido AVP a pone riba camindanan di Aruba. Na Pos Chikito tabata e momento culminante unda cada candidato tabata baha pa saluda e pueblo y wordo entrevista pa radio y television. Ora lider di partido Mike Eman a yega Pos Chikito e euforia tabata total. Hende na granel tabata trata di yega cerca pa salud’e. Pa e parada pora cana mas lihe polis mester a haci ambos banda di caminda despues di e brug pa e trafico por a sigui. E parada a yega San Nicolas te den oranan laat di anochi. Un bes mas partido AVP a planta respet. E anaconda tabata infinito y espantoso. Pueblo a dua su mandato cu e gobierno aki ta bay un periodo mas.
