Awe mainta direktiva di Partido Alternativa Real (PAR), a hasi entrega di relato i sifranan anual na Konseho Supremo Elektoral (KSE). PAR komo un partido polítiko responsabel, tur aña di nobo ta entrega su relatonan di aña korespondiente na KSE i asina kumpli ku lei di finansiamentu di partido polítiko.
Manera kustumber PAR ta sòru pa e sifranan wòrdu kontrolá dor di un akountent eksterno, seguidamente presentá esakinan na miembresia durante reunion general pa aprobashon i pa despues hasi entrega na KSE, manera a tuma lugá awe mainta ku relato i sifranan anual 2016.
