Parlamento ta contra mas ayudo pa refugiadonan Venezolano

Un mayoria den Parlamento di Hulanda (Tweede Kamer) ta haya cu Hulanda no mester haci nada pa para banda di Corsou y Aruba den e recepcion di refugiadonan Venezolano. Un mocion di lider di fraccion di DENK, Tunahan Kuzu pa pidi Gobierno pa duna oido na e peticion di ayudo di Aruba y Corsou, a haya sosten solamente di SP, PvdA, GroenLinks, Partij voor de Dieren, SGP y Forum voor Democratie y e partido di gobierno ChristenUnie.

E partnernan den coalicion, VVD, CDA y D66 a vota, hunto cu PVV contra e mocion cu ta bisa como lo siguiente:Evaluando cu cada biaha mas Venezolano ta crusa bay den e paisnan di nos Reino, es decir Aruba y Corsou; evaluando cu e refugiadonan Venezolano ta bira victima di trafico di hende; evaluando cu e paisnan dentro di Reino, esta Aruba y Corsou, a pidi pa ayudo oficial na Hulanda, den cuadro di e Statuto; evaluando cu e derechonan humano di e refugiadonan Venezolano den e paisnan dentro di nos reino, ta bao di presion; Gobierno ta pidi pa duna un “vorstelijk gehoord” na e peticion di ayudo di Aruba y Corsou.”