Fraccion di D-66 den Tweede Kamer (Parlamento di Hulanda) ta aclarea e informenan contradictorio riba e cantidad di refugiadonan di Venezuela cu ta yega Corsou y Aruba. Miembronan di Parlamento Antje Diertens, Maarten Groothuizen y Achraf Bouali a haci pregunta riba esaki na e Secretarionan di Estado Raymond Knops (Relacionnan di Reinio) y Mark Habers (Husticia y Siguridad).
Segun e organisacion di Nacionnan Uni pa Refugiado UNHCR, e cantidad di refugiado di Venezuela pa e region di Caribe lo aumenta na 220 mil den aña 2019 of 75 mil mas cu awo. E mensahe a sali den luna di december ultimo. Pero Knops a bisa algun dia prome den un carta cu e no tin indicacion di un gran fluho di migrante (inminente) pa e islanan.
Diertens a purba di haya un debate riba e tema aki riba agenda, net prome cu vakantie di Pasco, pero no a ricibi apoyo for di su propio coalicion. Awo tin un debate di 30 dia riba lista, pero ainda no tin un fecha.
Atrabes di preguntanan por escrito, D66 awo ta purba di obtene mas claridad riba e situacion y e papel di Hulanda den esaki. Un biaha mad e fraccion di D66 ta cuestiona e forma con e islanan ta andando cu derechonan humano di e refugiadonan. Den preguntanan anterior riba esaki, Ministernan a referi na un posibel ahuste door di Corsou di e procedimento segun articulo 3 di e Convenio Europeo di Derechonan Humano.
“Con a para cu esaki? A realisa e ahustenan? Si no ta asina, pakico no? Si ta asina, a haci esaki corectamente den practica? Con ta para cu esaki na Aruba?”
Durante hopi tempo a debati riba e rol di Hulanda den garantisa e derechonan humano den Reino, refiriendo na e funcion di garantia segun e articulo 43 di e Statuut, sinembargo Gobierno di Hulanda semper a apunta e posicion autonomo di Corsou y Aruba den esaki.
E miembronan di D66 aparentemente no ta convenci. Nan ta puntra kico mas Hulanda por haci of si tin un intervencion den caso di un empeoramento di e situacion.
Un biaha mas, Knops y Harbers lo tin cu splica cuanto refugiado mas tin, pa cual Hulanda lo mester pone 5 miyon euro na disposicion pa solicitudnan di ayudo regional y con lo gasta e placa ey, sigui pa e pregunta di con ta haya e solicitud di asistencia di Corsou pa cu detencion di stranheronan.
“Con Hulanda ta vigila cu e detencion di migrantenan ta cumpli cu e normanan internacional?”
E Parlamentarionan Hulandes ta desea di sa den ki areanan Corsou y Aruba ta ricibi apoyo for di Hulanda di procedimento di asilo. Tambe nan kier sa si e mensahe ta corecto cu Corsou a retira un representante di UNHCR. E miembronan di D66 a puntra tambe si tin informacion bon y recien disponibel riba Venezuela.
“Bo ta familiarisa cu e informacion di e pais cu ta indica cu na Venezuela ta deteniendo, torturando y hasta ehecutando hende arbitrariamente debi na nan conviccion politico y nan participacion den protesta?”
Door di haci esaki, e Oficina Europeo di Apoyo na Asilo ta sugeri pa elabora un informe nacional y puntra si e tema tambe ta wordo discuti cu e resto di Europa. E miembronan di palamento tambe ta desea informacion riba e cantidad di solicitudnan di asilo di e Venezolanonan den e ultimo tres añanan, nan aceptacion y e criterionan uza pa esey.
“Na cuanto Venezolano a nenga e acceso (ya sea como turista) pa Hulanda na 2018 y a mandanan bek pa Venezuela, Aruba, Corsou of otro paisnan y si tabatin mucha den esaki?”
Tambe a surgi e pregunta cu si a informa e Venezolanonan na nan yegada riba nan derecho y posibilidadnan di solicita asilo.
