Parlamento Hubenil a presenta na Imeldahof cu un donacion. Meta di esaki ta pa promove participacion y e miembronan di Parlamento Hubenil ta bos y derecho di muchanan.
Nan a bin cu proyecto pa celebra Dia di Mucha y e aña aki a scoge Imeldahof. Glendeline Arends-Maldonado, coordinador di Parlamento Hubenil, a splica cu e proyecto aki ta encera promove higiena personal di e muchanan. Esaki ta door di e pandemia cu ta biba den dje awo.
Nathan Perez, vocero di Parlamento Hubenil, a splica cu e comision a bin cu e iniciativa en conexion cu dia di mucha y tratado di derechonan di mucha pa regala 30 boter di awa pa cada mucha di Imeldahof. A personalisa e boternan door di pone nan nomber riba e boter y cada uno ta yena cu mangel. E motibo cu a scoge e boternan di awa en conexion cu e pandemia di COVID-19 a afecta Aruba, pa promove e parti di higiena tambe, nan a dicidi haci e regalo aki.
Tin e impresion cu den comunidad ta laga un banda e muchanan di Imeldahof, pero tambe pa corda e muchanan cu nan tambe ta parti di comunidad di mucha di Aruba. Nan tambe tin derecho y e parti di higiena ta uno. Esey ta pone cu Parlamento Hubenil a dicidi laga nan forma parti di dje y a regala nan e boternan.