Parlamento a manda yama Minister pa aclaria independisacion di DPS

2753

Hopi docente cu awor ta trahando directamente pa Dienst Publieke Scholen (DPS) ta para dilanti un reto pa cu nan posicion huridico. Minister di Enseñansa, Dr. Rudy Lampe, ta evaluando pa independisa DPS den un fundacion. Ta planea pa cuminsa cu e fundacion dia 1 di januari 2019. Sinembargo, ta mustrando cu no ta henter coalicion ta para tras di e plan aki. Por lo menos MEP tin varios pregunta.

Riba red social, Parlamentario Hendrik Tevreden, cu ta sali for di enseñansa, a avisa su siguidonan cu dialuna awor e Comision Fiho di Enseñansa den Parlamento lo topa cu Minister Rudy Lampe. Ey nan kier pa e duna cuenta di su plannan y lo subraya e hecho cu tin masha falta di dunamento di informacion riba e tema aki. Tambe ta sinti cu mester aclaria varios punto den e discusion cu a presenta al respecto.