Na comienso di e mandato di gabinete Mike Eman I, a anuncia e intencion di inverti den e calidad di producto Aruba. E gobierno a indica cu nan a desaroya un plan dirigi na e desaryo economico sostenibel di Aruba, mediante cual lo a desplega un programa importante di inversion.
Pa e rason aki mes, a lansa varios proyecto bao di e nomber di BO Aruba. E cantidad di proyecto y e tamaño financiero di BO Aruba a hiba pa Algemene Rekenkamer proporciona informacion riba e programa aki. Esaki segun e rapport di Algemene Rekenkamer.E punto di salida pa e investigacion aki proporciona informacion riba e aspectonan financiero y di maneho di BO Aruba.
Tambe a destaca e riesgonan identifica, relaciona cu e aspectonan ya menciona. Den e investigacion aki Algemene Rekenkamer a opta pa un investigacion descriptivo cu un parti di prueba.Ta pa e motibo aki mes, den un Reunion Publico di Parlamento awe mainta, 13 di februari, parlamentarionan di tanto oposicion como coalicion a trece nan punto di bista riba e rapport aki.Daphne Lejuez, parlamentario Independiente di su banda a comenta cu e rapport aki a wordo entrega na januari 2018 y unda cu nan a duna un bista kico a pasa durante gobernacion anterior y kico ta loke nan a haya.
Proyectonan PPPE rapport ta describi e proyectonan PPP, con nan a tuma luga, etc. E proposito di e reunion tabata basicamente pa entrega un mocion pa haci un investigacion. Riba su mes e parlamentario ta di acuerdo cu e transparencia, pero ta lamenta cu despues di dos aña ta bay cuminsa haci esaki, siendo cu mester a haci’e na e momento cu a sinta, algo tambe cu a pidi nan pa haci, pa por a ehecuta un encuesta parlamentario, of investigacion.Pa transparencia por a haci un investigacion. Lejuez kier sa kico ta bay ta resultado di un investigacion asina y si berdad tur e procesonan a wordo aproba pa parlamento.Cu mester bin transparencia e parlamentario ta full di acuerdo.Lejuez a menciona cu e unico cos cu a trece dilanti ta cu e procesonan kisas no tabata transparente. E ora mester bay haci un investigacion pa wak enberdad unda esaki tabata y si en berdad no a cumpli cu e ley di contabilidad, e ora e minister di e tempo ey por wordo teni responsabel.Pero di otro banda, si el a wordo aproba den parlamento, e ora no sa si tin espacio pa bay busca condena of haci entrega di un peticion na Ministerio Publico.Pa transparencia, e ta un bon oportunidad pa busca mas leu unda e procesonan por a tranca pa e proximo biaha percura pa bin cu ley of cu proceduranan pa nan no sigui pasa.
Den su prome reunion publico como parlamentario di partido POR Dr. Dellanire Maduro a menciona cu a bin dilanti den e documento cu tabata falta informacion, falta di momentonan con pa midi proyectonan, con pa garantisa cu un proyecto ta duradero,con pa garantisa e momentonan di mantencion di e proyectonan aki. Si no haci esaki, den futuro esaki por costa mas placa. Na e mesun momento, Maduro a trece dilanti e punto di hospital.Manera cu por wak den transcurso di añanan, cu ora no tin planificacion of un project dossier cu ta splica e procesonan di e proyecto, unda cu ta haya e problemanan , cu no solamente e ta un gasto financiero pa pais Aruba. E no ta djis un infrastructura, pero tur operacion, tur e cosnan cu ta sosode den un hospital, con nan por wordo tranca y perhudica.Den e caso aki tambe ta pone den riesgo e mediconan, e verpleegkundenan, tur trahado di hospital y na mesun momento e pashentnan. Ta un desbentaha pa nos comunidad.
Un tiki laat?Maduro mes a ripara cu for di Januari 2018 e documento a keda entrega. Tabata tin intencion pa entreg’e hasta prome, pero na varios momento na 2017 cu a pidi cooperacion, na e minister anterior pa coopera, no a haya cooperacion.Esey a wordo atendi. Coleganan a trece dilanti cu nunca lo ta laat pa atende algo y no por keda sin atende.Maduro ta contento cu como un parlamentario hoben, a haya e oportunidad cu na momento cu e tey pa por a discuti riba e rapport aki.Punto di bista di oposicionMarlon Sneek di fraccion di AVP a comenta cu e fraccion ta mira claramente cu e gobierno aki ta purba di kita atencion di pueblo di loke ta e medidanan cu ta na caminda.Yama un reunion riba un rapport cu tin dos aña na Parlamento. Sigur pa AVP tin otro situacionnan cu ta pidi un reunion publico. Entre otro e situacion di nos enseñansa. Entre otro e situacion na CITGO, caminda cu tin un cantidad di hende ta perde trabao. A pidi reunion publico y no ta haya reunion publico.Pero un reunion publico cu ta purba di bruha tera, ta wak cu ta wordo yama di biaha.
Pa Fraccion di AVP, ta di condena y a bise tambe parti mainta ora cu a haya e oportunidad di hiba palabra.Awo tin un bestemmingsheffing cu ta bay specificamente pa loke ta e proyectonan PPP cu awe, si mira cifranan di Banco Central, a genera riba 106 miyon florin den aña 2019. E minister mes a bisa cu total na PPP, 72 miyon di AVP, 9 miyon di MEP, lo mester bay paga 81 miyon florin na e proyectonan PPP.Kiermen, e medida cu e gobierno aki mes a bin cun’e, ta generando caba e cen cu mester pa paga e proyectonan aki. Pero kier crea e impresion cu a crea debe, awo mester busca un manera pa page.E prome medida cu nan a introduci cu tabata e bestemmingsheffing cu ta specificamente pa loke ta proyectonan di PPP, ta produciendo suficiente placa. E unico cos ta, cu mester bay wak tambe, pasobra e ta un bestemmingsheffing. E ta destina pa loke el a wordo aproba p’e, na momento cu a introduci e ley.Awe a mira cu e placa aki ta bay den algemene middelen. Gobiero ta djodjo cun’e, cu friends & family y cada bes gaña pueblo.
Esaki no ta aceptabel y ta loke AVP a trece dilanti den e reunion aki.Loke cu por a saca for di e rapport en cuestion, ta mehoracionnan cu por tin na momento cu gobierno ta haciendo tipo di proyectonan aki. E gobierno anterior a laga un ley atras cu a pasa cu ta e aanbestedings verordening caminda cu ta cambia e structura, e forma con pa haci aanbesteding, con mag di haci uit de hand. Si tin mag di haci forma di invitacion, caminda cu ta invita dos pa tres partner pa manda un prijs pa scoge for di esaki, of ta bay na un destaho publico.E ley aki a pasa na parlamento y te dia di awe e no por wordo ehecuta. Nan tin’e secuestra. Nan no a caba cu e landsbesluitnan pa e ley aki bin na vigor. Tur e proyectonan di BO Aruba tey, manera Prinses Amalia, Green Corridor, Watty Vos Boulevard, y awe por mira un proyecto manera hospital, caminda cu mester a controla.Na momento cu e proyecto no ta funciona manera mester ta, no ta paga. E ta buta den dje. Si tin situacionnan cu no ta bon, mester percura di laga controla nan y no mester lubida cu e proyectonan aki ta proyectonan cu gobierno ta paga SOHA. SOHA ta esun cu a busca y a haci tur e destahonan pa por a yega na esun cu ta bay traha e hospital.Door cu no ta haci nada, ni produci, door cu no tin vision, simplemente cada bes kier atacha su contrincantenan.
