Parlamentario Tjon ta elogia discurso y Sneek ta hay’e un logro ainda di trabou di AVP

Den presencia di studiantenan di Ceque College y Juliana School, Gobernador Alfonso Boekhoudt a tene su discurso den cuadro di apertura di e di 34 aña Parlamentario di Aruba. Ta trata di studiantenan di Geschiedenis cu ta den examenklas y esaki mester tabata un experiencia nobo pa nan, siña algo di Constitucion di Aruba.

Discurso di Gobernador, cu a resalta e pensamento di Gabinete Wever Croes, tabatin un duracion di mas o menos 15 minuut.  Discurso di Gobernador no solamente tabata uno elocuente pero uno balansa, na opinion di e lider di fraccion geel (MEP) Rocco Tjon.  El a sinti cu e discurso tabata balansa y no tabata uno cu a propaganda e logronan di Gabinete Wever Croes.

Parlamentario Tjon ta elogia discurso y Sneek ta hay’e un logro ainda di trabou di AVP

Parlamentario Tjon ta elogia discurso y Sneek ta hay’e un logro ainda di trabou di AVP. Click link pa mas https://24ora.tv/2m88R7v

Posted by 24ora on Tuesday, September 10, 2019

Loke cu a cay masha na su agrado tabata e prome parti di e discurso unda cu a papia di democracia y rol cu Parlamento ta hunga den un estado democratico. “Mi ta kere cu e mensahe aki a wordo manda pa nos como representante di pueblo ta pa scucha e deseo di pueblo, pero tambe e diferente gremio y organisacionnan.”

En general a papia di loke Gobierno tin pensa di haci y loke cu tambe a cay na su agrado ta esun di e crisis plan social y e discusion rond di esaki. Den e discurso a enfatisa e importancia di e plan aki pa surpasa e retonan cu e pais aki ta pasando aden. “Mi a haya e mensahe na final di Gobernador uno hopi na su luga. Unda el a haci un apelacion na nos como representante di pueblo pa hiba un politica, no solamente den e sala, na nivel, pero tambe pafo di sala y basa riba hecho y respet.  Mi ta kere cu e mensahe aki ta conta pa prensa tambe y tur ciudadano eyfo. Si logra esaki so ya caba ta hiba pais Aruba padilanti.”

El a probecha pa recorda cu fraccion di MEP ta esun cu a haci mas tanto pregunta den e aña tras di lomba; e comisionnan cu mas tanto a reuni tabata esun financiero, di Reino y Hudicial, cu ta presidi pa miembronan di MEP. Esun cu a entrega mas ley di iniciativa ta fraccion di MEP “y nos lo sigui di e mesun forma den aña nobo aki pa aporta na haci e tarea di control debidamente, y yuda Aruba surpasa e retonan financiero, economico y socialmente.”

Un di e puntonan cu ta bay traha riba dje ta e Codigo di Etica.

Marlon Sneek

Remarcabel den e discurso di Gobernador, segun e lider di fraccion Marlon Sneek, ta cu a papia di e proyectonan cu Gabinete Wever Croes ta trahando riba nan. Tur e proyectonan cu nan ta papiando di dje ta proyectonan cu nan ta finalisa di loke tabata di Gabinete Mike Eman 2. Ta papia di proyectonan cu AVP a laga atras pa finalisa, manera IMSAN.

E discurso aki ta algo cu ta locual cu ta wordo traha door di Gobierno pa duna un bista di loke nan ta haci. Sinembargo Sneek ta lamenta cu den esaki no ta haya un bista di loke nan ta bay haci den e aña Parlamentario nobo, y e presupuesto nobo. Casi nada a wordo bisa di loke ta bay haci den 2020. Tin hopi discusion riba reforma fiscal, sugar tax, problema di enseñansa, pero no a tende nada con ta bay atende cu e puntonan aki. “Esey nos como fraccion di AVP ta haya falta di dje.”

Comments

comments