Parlamentario Tevreden: MEP no ta di acuerdo pa entrega autonomia di Aruba

527

“Minister President ta mira e importancia di yama e cumbre cu partnernan den comunidad. E momentonan aki ta rekeri hopi seriedad, union y transparencia. Partido MEP ta aplaudi e escogencia di Minister President, kende a scoge pa informa gremionan, sindicatonan y partidonan politico.”

Hendrik Tevreden, Parlamentario y presidente di partido MEP, a bisa cu e reunion a bay den bon forma y si tin camindanan pa mehora. E ta di opinion cu reunion asina aki no ta caminda pa partidonan politico etala nan mes como partido. Pero ta pa busca lineanan, unda cu por sigui mira den mesun direccion y di eynan yuda Aruba pa yega na solucionnan.

E Parlamentario ta di opinion cu e reunion por a bay hopi mas miho. Tur partido politico a entrega nan input, nan preocupacionnan y punto di bista cu ta haci un producto, un forma di pensa pa bay bek na mesa cu Hulanda. Asina por dialoga e puntonan aki mas amplio.

Arubianonan a yega na e punto como ciudadano, como politico, como lidernan, di tin cu traha hunto riba puntonan cu mester mehoracion. Den esaki ta creciendo como pais y ta mirando e necesidad di bini hunto na mesa pa duna critica sea constructivo of cosnan cu tin di mehora na un manera mas diferente. No ta eynan ainda, pero mester sigui pusha den e direccion eynan.

Parlamentario Tevreden: MEP no ta di acuerdo pa entrega autonomia di Aruba

Parlamentario Tevreden: MEP no ta di acuerdo pa entrega autonomia di ArubaClick link pa mas: https://24ora.news/30lcNCy

Posted by 24ora on Wednesday, July 15, 2020

Un punto importante pa nan ta e fiansa cu ta bay ta entre 500 pa 600 miyon florin. Pero den e crisis di Covid pa haya fiansa mundialmente ta dificil y Hulanda ta duna e oportunidad pa haya esaki na 0% interes. E rekisitonan cu Hulanda ta pone na dje pa haya esaki, e partido no ta di acuerdo cu tur di nan. Segun Tevreden, tin otro manera cu por haya inversion economico los di e entidad cu nan kier introduci. No mester di un entidad  pa bin tuma over compania estatal, pasobra aki mes na Aruba ta creciendo nan pa 34 aña.

MEP ta kere cu mester pone un linea. Cu no ta necesario e puntonan cu Hulanda kier trece riba agenda. Pero crea oportunidad hunto cu Hulanda pa bay internacionalmente, unda cu por haya mesun suma di placa sin tur rekisitonan aki, cual algun di nan ta devastador p’e autonomia. Aruba ta riba un bon posicion, pero Covid a haci un impacto riba economia mundial. E situacion no ta algo cu nan a causa, segun e Parlamentario, pero ta algo cu a bin na mundo henter. MEP ta para p’e autonomia y ta contra un RFT, contra un entidad cu ta goberna ariba nan siendo cu Aruba ta un pais democratico, autonomo pa haci esaki riba su mes.