Parlamentario opositor ta elogia prome minister y presidente di parlamento

Diahuebs parlamento di Aruba a hiba un reunion publico pa trata e presupuesto di DOW. Den esaki, fraccion di AVP a trece algun mocion dilanti enfocando riba e edificionan publico cu ta rekeri restauracion y mantencion, entre otro. mr. dr. Ryçond Santos do Nascimento a bisa cu e el a ‘enjoy’ e manera cu prome minister a hiba su discurso durante e reunion. 

Tambe el a splica cu e presupuesto aki ta ‘super’ laat y riba esaki el a haci varios pregunta den cual por a confirma cu no ta culpa di DOW p’e tardansa, sino e culpa ta sinta na minister di finansa, esta Xiomara Maduro
Por ultimo, Santos do Nascimento a bisa tambe cu den varios otro reunion di parlamento, e presidente di parlamento, esta mr. Edgard Vrolijk, a actua menos bon. Sinembargo, pa loke ta trata e reunion di diahuebs, esaki a cana bon y e ta aplaudi Vrolijk den esaki.