Próksimamente HNO ta bai su portanan pa asina duna servisio na pueblo di Kòrsou despues di dékadanan di espera pa konstrukshon di un hospital nobo.
Pa por ekipá e hospital nobo di un manera duradero ta importante ku pa garantisá ku kompra di material, aparatonan, mobilario ta di kalidat i garantia nesesario ku esakinan mester tin pa por salbaguardiá seguridat di kuido di nos hendenan.
Pa por logra esaki ta sumamente importante e pa prosedura ku ta tin òf tin pa kompra di e materialnan, aparatonan i mobilario nan ta unu transparente unda tur esunnan interesá lokal i internashonal tin e oportunidat pa brinda nan produktonan segun normanan di kalidat i garantianan mara na esakinan. Sin lubidá e importansia pa inkluí profeshonalnan den kuido ku ya tin eksperensia riba e diferente ramonan di kuido den un hospital den e proseso aki.
Komo Parlamentario sra Mc William a wòrdu aserka pa diferente profeshonalnan den kuido i distribuidornan lokal ku tin e impreshon ku nan no a wòrdu inkluí den e proseso di kompranan aki. Den kuadro di esaki sr Mc William a hasi Minister e siguiente preguntanan pa asina e i esnan konserní i spesialmente e pueblo engeneral por haña un aklarashon kon kosnan a kana pa ku e kompranan aki.
- Kon e proseso di kompra di aparato,material i mobilario pa HNO a ta tumando tuma lugá?
- Tabata tin un proseso di un bidding/destaho ?
- Distribuidor lokalnan ( ku tin hopi aña ta sirbi SEHOS) ku ta representá tur e liña internashonal tambe por òf a partisipá?
- Ta posibel di por haña un inzage e lista di produkto i preis di tur aparato médiko i material ku a wòrdu kumpra i unda a kumpra esakinan?
- Mirando e importansia di kompra di e aparatonan, materialnan,mobilario,tabata tin un komishon ku tabata inkluí profeshonalnan di SEHOS ku tin e eksperensia pa kumpra di ekipo i mobilario?
- Kon e sistema/ mekanismo/ di kontrol tin òf tabata tin pa kumpra e diferente aparato ,material i mobilario ku nos por sigurá ku esaki nan tin e garantianan nesesario di kalidat?
- Tur e distribuidornan lokal ku tin dékada ta prefinansiá salubridat na Curaçao nan a òf lo wòrdu invitá i/òf informá pa por partisipá den e proseso aki?
- Ta bèrdat ku ta kompanianan Ulandes so a haña e oportunidat pa bende HNO e material, aparatonan i mobilario nan ?
- Ken ta e personanan (entidatnan) ku ta envolví den kompranan aki pa HNO?
