Kòrsou ta pasando den un krísis dor di pandemia di Covid19 meskos ku tur sobr paisnan na mundu. Den e situashon aki ta importante pa institutonan manera huurcommissie ta aksesibel pa entre otro intermediá den kasonan kaminda tin konflikto ekuanto di hürmentu di kas di kual e persona pa motibunan finansiero no por kumpli ku su deber di pago di huur.
Pa basta tempu tin hopi reklamo pa loke ta trata aksesibilidat di huurcommissie unda e hürdó òf esun ku ta hür no por drenta den kontakto ku e ofisina di e huurcommissie.
E Landsverordening huurcommissie ku na 10.10.10 ku a keda adaptá ku kambionan importante den kuadro di desaroyo di nos ekonomia ku ta basa riba e huurcommissie regeling di 1939 ku for di e tempu ey a mira e importansia di “maatschappelijk” pa sòru ku tin reglanan pa atendé situashon di hürmentu di entre otro kas aki na Kòrsou. Den e temporada di Covid19 ku ainda nos ta bibando aden hopi ta esnan ku mester guia hurídiko pa salvaguardá nan derechinan.
Den kuadro di esaki sra Mc William ta hasi e siguiente preguntanan na Minister di Asuntunan General:
- Minster ta na altura di e diferente keho ku nan tin pa ku e akseso pa huurcommissie?
- Minster ta di akuerdo ku huurcommissie ta un hèrmènt masha importante durante di e situashon di krísis ku nos ta bibando den dje aktualmente?
- Minister por indiká kiko ta e motibunan ku huurcommissie no ta funshoná pa brinda servisio?
- Minister por indiká kiko ta bai hasi òf ta hasiendo pa atendé ku e problema aki?
Ki dia e personanan ku mester di di servisio di huurcommissie por kuminsá haña esaki?
