Parlamentario Mc William ke sa kiko ta e motibu ku Selikor N.V. no ta kumpli ku e zorgcontract

159

Despues di e insidentenan lamentabel ku Kòrsou a konosé dia 24 di yüni 2020 unda entre otro trahadornan di Selikor a ekspresá nan mal kontentu esaki a resultá den un retraso di rekohé shushi rònt Kòrsou. Ya ta algun siman kaba ku ainda Selikor no a logra rekohé sushinan manera ta akordá ku nan klientenan.

Konsekuensia di esaki ta ku e trese un situashon a higiéniko pa salubridat di hendenan i un bista mahos den e diferente barionan kaminda tin yen “kliko” yena ku sushi kantu di kaminda. Mas alue e situashon aki ta pone ku mas hende lo bai dùmp nan sushi nan unda ku ta riba kaya. Esaki ta un situashon ku poko poko ta tresiendo preokupashon bou den nos komunidat. Gobièrnu tin e responsabilidat pa soru pa nos kayanan ta limpi sin ku ta trese salu di hende den peliger.

Komo representante di pueblo hasiendo uso di artíkulo 96 di nos reglamento di Òrdu di Parlamento relashoná ku e kaso menshoná sra Mc William a hasi e siguiente preguntanan pa Minister di Salúbridat Públiko, Medio Ambiente i Naturalesa:

  1. Minister ta na altura di e retraso ku tin den rekohé sushi di parti di Selikor konforme nan skema?
  2. Kiko ta e motibu ku a kondusí na e retraso aki?
  3. Gobièrnu tin debe aktualmente na Selikor?
  4. Tin e posibilidat ku un kompania privá por kuminsá duna e servisio aki pa trese alivio nos komunidat?
  5. Kiko lo sosode na momentu ku Selikor no kumpli ku nan zorgcontract?
  6. Tin un bista kaba pa sa ki dia lo tin un solushon pa Selikor por kuminsá rekohé sushi konforme nan skema?

Sra Mc William ta keda pendiente pa kontestanan di Minister i ta spera ku pa mas pronto posibel yega na un solushon pa ku e kaso aki.