Parlamentario Alan Howell (POR), den cuadro di e cambionan cu a tuma luga, tanto den Parlamento como den Gobierno, a felicita tanto Marisol Lopez-Tromp y Dellanire Maduro. Marisol Lopez-Tromp a asumi e posicion di Minister di Desaroyo Teritorial, Infrastructura y Medio Ambiente ayera despues di 10 aña den Parlamento y ultimo 2 aña como lider di fraccion di POR, di cual Alan Howell ta forma parti di dje tambe.
Dellanire Maduro, candidato di POR, a huramenta dialuna dilanti Gobernador como Parlamentario nobo y mesora a asumi e posicion di lider di Fraccion di POR, un tarea hopi grandi y di cual Alan Howell ta sigur cu e lo realisa hopi bon.
Alan Howell a gradici Marisol Lopez-Tromp pa tur e apoyo, sosten y guia cu el a dun’e ora el a drenta Parlamento y ta desea e Minister hopi exito den su carera nobo, unda cu e ta sigur el lo haci un tremendo trabou tambe mirando tur e experiencia cu e tin caba como Minister di Infrastructura den pasado.
