Pa medio di un karta sr Cleopa ta aserká Minister di VVRP pa hasi algun pregunta i opservashon enkuanto EOP ku posiblemente por kondusí na algun sugerensia bálido pa ku un empuhe duradero pa nos ekonomia.
Ta konosí ku un di e puntonan di sra Minister su maneho ta pa yega na un maneho solvabel pa ku bibienda. Banda di esaki mi ta konsiente tambe ku e maneho pa ku Monumentonan ta un prioridat pa sra Minister. Tambe pa mi ta konosí ku sra Minister ta hasi hopi esfuerso pa por hasi nos tráfiko mas sigur na Kòrsou.
Pero lastimámente basa riba e sifranan di Büró di estadistika, Ofisina di Turismo i e komishon di rechtshandhaving mi tin di konstatá ku nos no ta logrando adelanto i konsekuentemente desaroyo ku e maneho eksistente di e Ministerio di VVRP. Mi pregunta ta ku si Ministerio VVRP ta hasi un estudio di faktibilidat promé ku e fiha maneho pa korto- i largo plaso. I esaki ta direktamente relatá ku e petishon for di aña 2012 pa evaluá EOP, kual e Ministerio ta ninga di hasi i skohe pa konsentrá su mes riba kosnan di ménos importansia pa nos komunidat. Diferente biaha parlamento a haña splikashon di funshonarionan di DROV i awor aki ROP ku no ta EOP ta e estorbo pa ku desaroyo solvabel di tereno. Mi tin di bisa ku nunka nan no a konvensemi i pa korona obra paraktika a konfirmá ku e “statement di e funshionarionan aki no ta viabel. Es mas nunka nan no por a splika kon si por yega na un desaroyo solvabel di tereno i asina na un desaroyo ekonomiko duradero. Remarkabel ta ku e Ministerio VVRP kontra di tur lógika i na un manera ferviente i ku hopi fervor ta konsehá pa hasi uso di un di di e “Acces” nan mas importante di Pais, esta tereno pa por desaroyá proyektonan di PPP.
Ta esaki ta e methodo ku e EOP ta brinda pa desaroyo ekonomia segun ROP i Domeinbeheer? Minister a pensa riba e posibilidat di adaptá e kapítulo “conserveringsgebied” di EOP di tal forma ku por hasi uso di e terenonan aki pa desaroyo proyektonan di vivienda etc sin ku Pais ta “offer” un di su “Acces” di mas importante i schaars.
Mirando ku den pasado resien funshonario di diferente disiplina i parlamentarionan a partisipá na Habitá III i a yega na e konklushon un bes mas ku mester evaluá i adaptá e kapítulo “conserveringsgebied” di EOP, i mirando e situashon di Pais mi kier a haña mas klaridat riba e tópiko aki mi tin e siguiente preguntanan:
- Kiko e státus di evaluashon di EOP ta?
- Gobièrnu ta konsiente ku sigui mantené mes un método di hasi kosnan, esta e pensamentu ku no ta EOP ta e opstákulo pa desaroyo viabel di tereno, e resultado lo no ta diferente?
- Kiko ta bai hasi ku e kantidat petishonnan di exonerashon pa por kombertí conserveringsgebied den terenonan pa por desaroyá ekonomikamente?
- Gobièrnu por duna un kontesta konkreto ki dia maneho formal pa kombertí parti “conserveringsgebied” (15%) den e modalidat pa doño di tereno por hasi invershonnan
