E parehanan di Riu Palace Aruba a bini hunto riba Dia di San Balentin pa renoba nan matrimonio bisando un biaha mas “mi ta acepta”, den un bunita ceremonia organisa den e hardin di Riu Palace Aruba, unda e parehanan a reafirma nan matrimonio y amor.
Un bahada di solo cu a ilumina e atardi, e parehanan tabata mira otro den wowo y a ripiti e palabra “mi ta acepta” di e pastoor, pero tambe a haci nan promesa. Un saxofonista a haci e atardi uno mas romantico p’e parehanan cu a renoba matrimonio pero tambe p’e otro huespednan cu tabata para na banda.
Pa tin un bunita recuerdo di nan renobacion matrimonial, e parehanan tabata saca potret di e bahada di solo y banda di e sign “I do”. E celebracion a continua cu un ocasion special di un buffet special di San Balentin, unda e parehanan a brinda cu un sonrisa. E famianan presente tambe a celebra e momento magico aki cu nan sernan keri. Nan a gradici gerencia di Riu Palace Aruba pa haci e San Balentin uno special, magico y e oportunidad di renoba matrimonio.
