Pareha ta pleita y despues dal cu auto den cura di cas Sasaki Weg

Algo prome cu 6or di atardi diamars, un pareha tabata pleita den un Toyota Passo color blauw. Esaki tabata net despues cu nan a caba di wak e wega di Colombia. Nan parce tabata poco bebi y tabata coriendo duro riba e caminda di Sasaki Weg na e parti di santo.
Pa un of otro motibo e auto a hala na su man drechi y bay dal den e cura di cas. E manehado a baha na awa y a laga e dama herida. Polis di trafico hunto cu esun di Playa a presenta na e sitio pa asina chek kiko a sosode.
A pidi presencia di ambulance pasobra e dama tabata basta bou influencia y no tabata  sinti bon. Polis a bay busca den vecindario pa mira si por a topa cu e pareha di e dama cu tabata herida. Personal di Ambulance a atende cu e dama y despues a transporte pa hospital pa chekeo medico. Daño material tabata grandi.