Diadomingo, algo prome cu 1’or di merdia, a drenta informe cu lo tabata tin un accidente cu a tuma luga na costa nort di Aruba.
Ta trata aki di e prome boca p’abao di Shiribana. Dos quadracer tabata coriendo eytras, y un di nan, lo a perde control y accidenta. Ambulance a wordo pidi na e sitio y a bay cu e victimanan, un hende homber y un hende muhe.
Na e mesun luga tambe, por a nota un bulto ta drief riba lama. A bin resulta cu ta un carne morto, cu te ainda, no por saca afo, con el a yega eynan.
