Diahuebs merdia KPA a informa cu nan a tira man riba otro sospechoso relaciona cu e  investigacion andando bou di e nomber Vegas.

Ta trata di un señora Arubiano.  Atraco Team di KPA a bin ta concentrando riba un serie di atraco cu a wordo cometi e aña’ki cu tabatin similaridad cu otro. Asina dos siman atras a detene dos homber na Dakota. E biaha’ki a detene un señora Arubiano, esta SCB di 38 aña. A detene e señora aki na e mesun cas na Dakota unda dos siman pasa a aresta e homber M.B.. E informe di KPA ta bisa cu esaki ta e di cuatro (4) persona deteni den e investigacion relaciona cu un serie di atraco riba luganan di bende number.

Banda di e 4 personanan, tin mas detencion cu a tuma luga relaciona cu otro casonan. Nada menos cu 37 persona ta deteni den e shete lunanan di 2019. E ta un cifra alarmante pero alabes positivo di e trabou haci pa aresta e personanan aki.  Pa Cuerpo Policial por resolve mas caso cooperacion di pueblo di Aruba ta hopi importante p’esey nan ta pidi si bo tin cualkier informacion yama nos tiplijn: 11141

Comments

comments