Nos a combersa cu Roberto Velazquez kende hunto cu su pareha Isha Hernandez Pinedo a bini cu un forma unico pa anuncia sexo di nan baby cu ta na caminda. Roberto ta conta cu a bay door cu e baby shower pero di un manera hopi peculiar “Wel en realidad e situacion actual a cambia e plan pa nos gender reveal completo. Nos a dicidi toch di haci algo leuk pa nos y nos famia.
Ya cu nos tur ta online nos a kies pa haci esaki digital y filma esaki completo. Tabata un experiencia unico y algo sigur cu nos no lo lubida.”.
El a splica cu mester a hinca tur cos bon den otro. “Mirando cu ta nos dos so na cas mester a haci test pa zorg cu tur cos ta den pantaya pa niun hende perde un pida y nos grabacion tambe ta completo. Nos a palabra un orario cu tur hende y esaki a bay bon.
“Tambe a papia di e situacion dificil pa net aeo ehecuta nan plannan. ” Aña a habri y nos a bisa cu esaki ta e aña cu nos lo haci nos soñonan realidad. E crisis aki a trece un stop na hopi di nos plannan y sigur lo afecta nos financieramente pero nos no lo laga esaki stroba nos y nos lo haci tur cos di nos banda pa zorg cu nos baby girl tin tur cos cu e mester. Mas importante ta pa nos ta sano y ta pa e motibo aki nos a tuma e decision pa un gender reveal digital.”Nan tin nomber caba pa e baby pero nan lo anuncia esaki dia e nace. Inicial A.M.V
