Como tradicion di tur aña, dia 11 di october proximo, e Paranda di Balashi lo ranca sali. Segun Rowald Werleman, tin mas cu 15 aña cu e tradicion aki ta existi. Balashi ta sumamente orguyoso y anuncia un otro Paranda di Balashi, cu lo tuma luga dia 11 di october proximo riba Linear Park. Ta anuncia esaki hunto cu na Drempel na Fin di Aña y cuminsa cu nan programa na radio na Magic FM, y Balashi ta sumamente contento di por partner up cu nan.
Ta bay tin animacion musical di Banda la Paranda, Grupo di Gaita di Mama Rosa, Las Unicas Fabulosas, pa loke ta trata gaita.
Pa loke ta e gruponan local cu ta bay ta participando den esaki, ta bay ta Grupo di Betico, N’ Fuzion y tambe Robert Jeando’r cu lo ta join e anochi aki. Pa haci’e mas grandi a invita Curacao Legends, consistiendo di Gibi Doran, Boy Thode, Lio Rosa y Tico Balentin.
Esaki ta hunto cu e celebracion di e 20 aña di Cerbes Balashi y asina aki a dicidi di pone loke ta trata e Paranda di Balashi, haci’e ainda mas grandi di loke e ta.
Ta bon pa menciona cu tur cuater bar riba Linear Park, ta bay ta participando. Nan ta Hamaka, Sandra’s Garden, Let’s Chill Cafe y tambe Roadside Cafe. E evento aki ta completamente gratis y tur hende ta mas cu bon bini.
Bini uno bini tur y hunto cuminsa cu e inicio di e temporada di mas dushi riba e isla, cual ta e temporada di fin di aña. Ta bay tin 10 edicion. Tur diabierna despues di dia 11 di october, ta bay tin un caminda cu Balashi ta bay. For di San Nicolas te na Noord, asina ta keda pendiente. Tur siman ta bay update unda Balashi lo ta. E evento aki lo caba dia 20 di december 2019.
