Pa hopi aña e bario di Paradera no a tene eleccion di reina y esey a pone cu diasabra dia 16 di februari a tene e eleccion. A lanta e comision di Paradera, kendenan a haci nan esfuerso pa por a organisa e competencia bek.
Un total di 11 mucha a participa den e eleccion di reina di Paradera. E anochi aki a conta cu 2 ex reina di Paradera como Reina di Seroe Janchi y Sra. Carnaval 2019. Tur hende presente a disfruta e anochi cu e dushi musica di e brassband TBS.
E eleccion a conta cu 3 categoria cu tabata 4 participante den baby, 4 participante den prinses y 3 participante den reina. Zulaika Rozenberg, lider di e comision, a bisa cu esaki ta prome biaha cu nan a organisa y awo Paradera ta bek cu nan eleccion. Pa otro aña nan lo ta organisando esaki y cu e meta pa ta mas grandi.
E resultado ta como lo siguiente:
Categoria Baby
Baby Disciplina Mileensy Werleman;
Baby Rookie 4er finalista Mileensy Werleman;
Baby Smile 3er finalista Sykaylee Ridderstap;
Baby Love 2ndo finalista Siarah Dirkz;
Baby Paradera Giliendy Alders.
Categoria princes:
Prinses Disciplina Charieny Grijt;
Prinses Rookie 4r finalista Jamilian Donato;
Prinses Smile 3er luga harieny Grijt;
Finalista Love 2ndo luga Mariendy Alders;
Prinses Paradera Yoennis Diaz.
Categoria Reina
Reina Disciplina Lindsay Wernet;
Riena Rookie 3er finalista Syvienne Ridderstap;
Reina Paradera: Elijah Maduro.
Sra. Paradera ta Glenda Rozenberg, mientras cu a corona Prins Para Ingoniell Tromp y Pancho Dera Yulian Quintero pero tambe Prins Suave Kayne Lacle y Pancho Loco Qeon Lacle.
E comision ta consisti di Zulaika Rozenberg, Elaine Jansen, Moraima Gomes y Noraima Gomes, kendenan a traha duro pa por a organisa e evento aki. Nan kier a gradici comision di Club Caiquetio cu a yuda nan organisa tur cos y Sayenne Tromp, kende a decora tur e sherfnan. Zulaika Rozenberg a gradici e sponsornan pa yuda organisa e eleccion di Paradera.
