Parada grandi di Carnaval 65 dedica na def. Milo Croes

Diadomingo 3 di maart, Aruba lo gosa di su ultimo parada pa Carnaval 65 na Oranjestad. SMAC ta dedica e gran parada di Carnaval 65 na nos gran baluarte Don Milo Croes, (DFM). Milo Croes pa hopi aña a duna gran aporte na nos Carnaval y cu su personalidad unico a sa di gana e titulo di ‘Tata di Aruba su Carnaval’. Su contribucion y maneho tawata pasonan cu a guia e grandesa di nos Carnaval te cu awe. Aruba pa semper ta keda agredeci na Don Milo Croes como un baluarte di nos fiesta cultural.

Diadomingo 9.30 di mainta, famianan di Don Milo Croes lo ta presente na apertura di e Gran Parada di Aruba su Carnaval na Avenida Milo Croes dilanti di Cas di Don Milo pa ricibi e reconocimiento y den un forma simbolico, pa 10 di mainta haci e apertura di Carnaval 65 pa 10 di mainta.

SMAC ta gradici famia di Don Milo Croes pa acepta nan invitacion. Esaki ta un honor pa SMAC y pa Aruba henter cu famia di un motor grandi di nos Carnaval duna inicio na Carnaval 65.