Despues di a ricibi algun sugerencia tocante ruta di mucha na Oranjestad, SMAC a delibera den directiva y a dicidi pa haci un peticion na Cuerpo Policial pa cambio di ruta di nos Grand Children’s Parade Oranjestad cu lo tuma luga dia 16 di Februari 2020. Esaki ta debi cu tin apenas 5 grupo di mucha y e ruta lo ta demasiado largo pa e 5 gruponan aki.
E ruta nobo lo ta como lo siguiente;
Lo sali for di Aruba Entertainment Center Dakota – Avenida Milo Croes – Vondellaan – L.G. Smith Blvd. – A. Lacle Blvd. – Wilhelminastraat – Avenida Milo Croes y ta termina na Aruba Entertainment Center Dakota.
Grupo nan cu lo participa na parada di mucha ta:
- TOB Kids
- Nos Futuro
- Don Flip
- Deja Kids
- Grupo di mucha di Noord
Despues di e Grand Children’s Parade Oranjestad lo kima Burning of Momito mesora manera e gruponan di mucha caba di drenta den Entertainment Center na Dakota. SMAC ta gradici Cuerpo Policial pa e cooperacion den esaki.
