Pa 8:01pm di anochi, Parada di Luz a ranca sali pa asina yena e cayanan di San Nicolas cu briyo. Lo tin 9 grupo participando e biaha aki.
E parada ta cuminsa cu e Carnavalistanan di SETAR, hunto cu e opening banner di SMAC, hunto cu Reinanan y Prins cu Pancho. Upgrade ta percura pa e ritmo.
Despues Majestic Carnival Group, hunto cu BMW, ta percura pa trece ambiente pa un total di 125 persona, cu ta participando den e grupo.
Despues ta sigui Quality Brassband, cu 20 persona.
Champagne Carnival Group, ta sigui cu un total di 1400 persona riba pia. Tsunami ta percura pa e ambiente.
TOB Carnival Group, ta bin cu su Route to Japan, y ta consisti di 800 persona. N Fuzion ta percura pa musica.
Soca Kingdom Carnival Group, cu e tema Warrios of the Lost Gem, ta bin cu 100 persona. DJ Steam ta percura pa musica.
Despues ta sigui Massive Brassband International, cu 20 integrante.
Empire Carnival Group, ta bin cu Neon Run. E grupo ta consisti di 500 persona. Musical Time y Buleria ta percura pa e ambiente musica.
Pink For Live Carnival Group, ta bin cu Coins on Fire y nan tin 500 persona riba pia. Naturalmente Le Groove ta compañanan durante e ruta.
OPC Carnival Group, ta bin cu e tema di E Mundo Briyante di OPC, cu 250 persona. Oreo ta compaña e grupo.
Royal Carnival Group ta bin cu 250 persona y NBO ta compaña nan durante e parada.
Por ultimo nos tin Infinity Carnival Group cu 400 persona y D’licous ta compaña e grupo.
Ta spera cu e parada caba pa 2’or di marduga. Asina ta, si bo ta cerca, prepara bo stoel y bo drink y si bo ta bin di p’ariba di brug, sali tempran, pa asina bo tin bo spot pa bo disfruta en grande di e Parada di Luz.
