Diahuebs mainta un yamada di urgencia ta drenta pa persona cu a cay den lama na momento cu nan parachute principal a faya/ tarda di habri completo causando un poco di tardansa y cu a desvia e aterisahe.
Polisnan cu a yega na e sitio, a topa cu e personanan riba beach caba. E hecho cu e hendenan aki, cu tabata skydive a bay baha den lama, a causa poco consternacion, pero no tabatin ningun hende lesiona.
Na momento cu tabata yega momento pa baha na Arashi, a confronta un problema chikito pa cual mesora e dive instructor cu amplio experiencia den dive a haci uzo di e parachute di emergencia, enbes di sigui perde tempo. Tanto e instructor como e turista a baha den lama sin ningun problema.
Locual tin cu menciona ta cu e cabuya di e parachute principal tabata lora den otro y cu a crea un tardansa pa e parachute habri, ta pa e motibo aki e instructor a opta pa habri e parachute di emergencia y cu a haci cu nan a baha algun meter mas leu di e area custumbra. E ultimo incidente tabata 4 aña pasa, pero tampoco tabatin persona cu a resulta lesiona.
Skydive Aruba ta un compania cu ta estableci pa mas di 10 aña riba nos Isla. Incidentenan manera esaki no ta comun pero ta algo cu ta premira y ta tuma tur precaucion posibel pa evita inconveniencia.
