Papa Francisco a critica e leynan cu ta condena homosexualidad como “inhusto”, pero a bisa cu Dios ta stima tur su yiunan tal y manera nan ta. El a pidi e obisponan catolico cu ta apoya e leynan ey pa ricibi e personanan LGBTQ den iglesia.
“Di ta homosexual no ta un delito”, Papa Francisco a bisa den un entrevista cu The Associated Press diamars ultimo. Papa a reconoce cu e obisponan catolico den algun parti di mundo ta apoya e leynan cu ta condena homosexualidad of discrimina e comunidad LGBTQ. El a referi homosexualidad como un “pica.” Sinembargo, el a atribui e actitudnan ey den contexto cultural y a bisa cu particularmente e obisponan tambe mester pasa den un proceso di cambio pa reconoce dignidad di tur. “Tambe e obisponan tin un proceso di conversion”, el a bisa, añadiendo cu mester mustra “ternura, por fabor, ternura, como Dios tin e cu cada un di nos.”
Mas o menos 67 pais of hurisdiccion di henter mundo ta condena e relacionnan sexual acorda entre persona di mesun sexo y diesun di nan por aplica of ta aplica e pena di morto, segun The Human Dignity Trust, cu ta traha pa caba cu e leynan aki. E expertonan a señala cu incluso ora e leynan no ta aplica, ta contribui na acoso, n’e estigmatisacion y violencia contra e personanan LGBTQ.
Na Merca, mas di un decena di estado ainda tin ley contra sodomia aunke pa un fayo di 2003 di Corte Supremo cu a declara nan inconstitucional. E defensornan di derecho LGTBQ ta bisa cu e legislacion anticua ta emplea pa acosa e homosexualnan y ta señala cu e normanan nobo –manera conoci como “No bisa gay” na Florida- cu ta prohibi e educacion riba orientacion sexual y identidad di genero den kleuterschool y tercer grado escolar, manera un prueba di e esfuersonan continuo pa marginalisa e personanan LGBTQ.
Nacionnan Uni a pidi di forma reitera pa bandona e leynan cu ta condena homosexualidad y a afirma cu ta viola e derechonan di privacidad y libertad dilanti discriminacion. Ademas di no cumpli e obligacionnan di e paisnan ey segun e derecho internacional di protege e derechonan humano di henter mundo, sin importa su orientacion sexual o identidad di genero.
Francisco a declara e normanan ey como “inhusto” y a bisa cu iglesia catolico por y mester traha pa pone fin na nan. “Nan mester hacie, nan mester hacie”, el a bisa. Papa Francisco a cita e catekismo di iglesia catolico pa señala cu e homosexualnan mester ta ricibi y respeta, y no mester ta mira manera marginal ni discrimina. “Nos tur ta yiu di Dios y Dios kier nos manera nos ta y cu e forsa cu cada un di nos ta lucha pa nos dignidad”, Francisco a bisa, kende a papia cu AP den e hotel vaticano unda e ta biba.
E leynan ta habitual na Africa y Medio Oriente y ta bay bek den e era colonial Britanico of ta inspira p’e leynan Islamico. Algun obispo catolico a defende cu firmesa manera ta consistente cu e doctrina di Vaticano, cu ta considera e actividad homosexual como “intrinsecamente desordena”, mientras cu otro a pidi pa revoc’e pasobra nan ta supone un violacion di dignidad humano fundamental.
Na 2019 tabata spera cu Francisco publica un comunicado contra ciminisalisacion di homosexualidad durante un encuentro cu e gruponan di derechonan humano cu a investiga e efectonan di e normanan ey y e yamada “terapia di conversion.” Na final, papa no a reuni cu e gruponan, cu na su luga a entrevista cu e number dos di Vaticano, cu a reafirma “e dignidad di cada persona humano y contra cualkier forma di violencia.”
Francisco a bisa diamars referente homosexualidad, mester distingui entre e delito y pica. “Di ta homosexual no ta un delito”, el a bisa. “No ta un delito. Si, pero e ta un pica. Bon, prome ban distingui pica fo’i delito. Pero tambe ta pica e falta di caridad cu e prohimo.” Enseñansa catolico ta indica cu si ta bon mester trata e homosexualnan cu respet, e actonan homosexual ta “intrinisecamente desordena.” Papa Francisco no a cambia e posicion ey, aunke el a haci acercamento n’e comunidad LGTBQ un di e rasgonan caracteristico di su papado.
Desde su famoso declaracion di 2012 “ken ami ta pa husga?” ora a puntr’e p’un pastoor cu segun rapport tabata gay, Francisco a sigui dirigi di forma reitera y publica n’e comunidad homosexual y trans. Manera arsobispo di Buenos Aires a mustra fabor di ofrece proteccion legal n’e parehanan di mesun sexo como alternativa na apoya matrimonio homosexual, algo cu doctrina catolico ta prohibi.
A pesar di e acercamento ey, Francisco tabata critica p’e comunidad catolico LGBTQ p’un decreto di 2021 di e oficina di doctrina di Vaticano riba e echo cu iglesia no por bendiciona e unionnan entre persona di mesun sexo “pasobra Dios no por bendiciona pecado.”
Na 2008, Vaticano a nenga di firma un declaracion di Nacionnan Uni cu tabata pidi e despenalisacion di homosexualidad, kehando cu e texto tabata bay mas aya di e draft original. Tambe tabata inclui fragmento riba “orientacion sexual” y “identidad di genero” cu a mustr’e problematico. Den un comunicado e tempo ey, Vaticano a insisti n’e paisnan pa evita “discriminacion inhusto” contra homosexual y pone fin e sancionnan den su contra.
