Pantene cu donacion di cabey na Mary Joan Foundation

Esaki ta e prome Hair Donation Day di Pantene, cual ta parti di nan campaña unda cu den luna di October te cu dia 19 di November, Pantene ta duna un florin na Mary Joan Foundation pa cada producto di Pantene cu wordo bendi.

Pantene cu donacion di cabey na Mary Joan Foundation

Posted by 24ora on Sunday, October 21, 2018

E voluntarionan di Mary Joan a siña con pa traha peluca di cabey natural pa pashentnan di cancer.
Tambe nan a siña cu e poceso pa deal cu e persona na momento cu el a perde su cabey. E Hair Donation Day tabata completamente yen.
Pantene kier gradici tur hende cu ya caba a haci nan donacion di cabey y tambe Mary Joan Foundation pa tur e bunita trabao cu nan ta haci.

Di parti di Pantene, nan ta contento y ta haci un yamada na esnan cu kier haci donacion di cabey, por entrega esaki na Mary Joan Foundation. E mester ta 15 centimeter solamente y cumpra bo producto di Pantene pa asina contribui na e causa.

Maria Camila a presenta na Stars Hairstudio pa corta su cabey y e hecho cu el a haci esaki, e ta sinti’e emociona, debi cu e la corta 63cm di su cabey. Pero ta pa un bunita causa. E ta sinti’e di curason cu e ta contento cu e sa cu e ta sosteniendo e causa aki y cu un persona lo bay t ahopi contento di por tin un bunita peluca y den e lucha aki cu e no ta uno facil.

El a experencia cu su famia cercano, e lucha contra cancer. Pa esaki, e ta sinti’e hopi bon.
Maria ta gradici e apoyo di Ana Maria Ramirez cu tabata un inspiracion pa bis’e pa e por a haci e acto aki.

Bin cu curashi

Maria Camilla a splica cu cabey ta crece y corda cu awe ta un otro, mañan por ta hopi cercano dibo. Pa e hende muhe, su cabey ta su imagen. Pensa cu lo por haci un hende hopi contento. Djis haci’e, no pens’e. Bo lo sinti hopi bon despues.

Verushka Geo tambe a bin cu curashi y a corta su cabey. El a splica cu el a participa na e campaña di Mary Joan Foundation hunto cu Pantene di Compra, cu Stars Hair Studio pa por haci un donacion di cabey, pa asina haci un otro persona cu tin e teribel enfermedad di cancer feliz.
E mes personalmente ta emociona, su mama ta un cancersurvivor y ta un fighter.
A base di esey el a haci un donacion di cabey.

Verushka ta encurasha tur hende. E ta sinti bon pa por haci’e, pasobra bo sa cu bo ta bay haci un otro hende feliz.
Verushka mes tin hopi tempo sin corta su cabey. Mas of menos un tres aña.
Asina ta, sinti bo mes encurasha, aporta na un bon causa, bin haci bo donacion.