Dutch Caribbean Performing Rights Organization (DUCAPRO) recientemente a firma un acuerdo cu Buma/Stemra di Hulanda pa e representacion di autornan y compositornan musical. E acuerdo ta aplica pa e islanan Aruba, Curacao, Bonaire. Un aña pasa DUCAPRO a anuncia cu e lo actua na defensa di e derechonan aki y cu e usuarionan comercial di muziek, mescos cu na tur pais na mundo, lo mester recompensa e autornan/compositornan pa e uzo aki.

Abogado David Kock, kende ta representa DUCAPRO, a bisa cu anteriormente e radio-emisoranan a bisa cu nan lo bay deal directamente cu Buma/Stemra di Hulanda. Pero awo cu DUCAPRO a yega na un acuerdo cu Buma/Stemra, e radio emisoranan mester atende cu DUCAPRO mes.

Pago royalties pa canticanan porfin por cuminsa

Pago royalties pa canticanan porfin por cuminsa. Click link pa mas https://24ora.tv/2LTQpd9

Posted by 24ora on Monday, October 7, 2019

Casi tur pais tin un organisacion cu ta responsabel pa esaki. E acuerdo firma awor ta confirma cu den e parti Caribeño di Reino Hulandes esaki ta DUCAPRO. Confusion a wordo genera den pasado cual organisacion lo ta esun autorisa riba e islanan aki, pero e duda aki awor a wordo aclaria.

DUCAPRO awor lo acerca e usuarionan comercial directamente pa cera e acuerdo cu nan pa e uzo legal di musica.  No mester lubida cu e usuarionan aki ta socionan di e esnan cu tin derecho riba e muziek. Autornan y compositornan local awo tambe lo automaticamente ricibi proteccion mundial pa nan trabou pa medio di DUCAPRO y ricibi e royalties corespondiente pa e uzo comercial di dje. Mas informacion ta disponibel riba e pagina: www.ducapro.com

“Awor tur discusion of duda ta wordo kita for di mesa cu e acuerdo firma aki, cu ta un di e ultimo luganan na mundo pa cumpli cu e pago di royalties,” Abogado Kock a comenta.

DUCAPRO lo cuminsa acerca instancianan cu mester paga royalties. Pero prome cu esey mester bay regla algun punto, pa e cobransa por cuminsa tuma luga den luna di december.

Comments

comments