Polis riba patruya a descubri un homber sospechoso cu despues a resulta di ta un bendedo di droga. Mesora a detene y transport’e pa warda.
Ta un fenomeno andando pa basta tempo caba cu ora di bay cobra onderstand na Postkantoor bo ta haya e bendedonan di droga cu ta keda loer den cercania wardando nan clientenan, pa cobra of bende nan e mercancia.
Diasabra aki tampoco tawata excepcion ora cu polisnan a detene un homber den careda di 11or di mainta den e parkinglot cu cuatro sakito di cocaina y seis sakito di piedra.
Hopi biaha ya nan tin “deal” traha delanta caba, e adicto ta cobra e cen, hopi biaha tin debe anterior cu e bendedor y ta entreg’e e cen parcial of den cierto casonan ful mes.
Ta un vicio cu nan ta aden y dificilmente por sali for di dje y aki ta unda e bendedonan ta probecha di esnan mas vulnerabel tur luna.
Polis a kita un bendedo mas for di caya. E siman cu a pasa a detene seis caba durante un razzia den Rancho.
