Paden y pafo di DIMP yen hende pa paga number

Aruba ta drentando e ultimo siman cu tin pa paga belasting di auto. Te cu e siman cu ta cabando aki 53 porciento di e total di clientenan a paga.

DIMP a habri varios diasabra pa facilita e pago pero no a haya mucho reaccion te cu awe.

 For di mainta tempran tin fila largo cu ta bay te pafo di clientenan cu kier paga. Esaki ta nifica cu nan mester para algun ora prome cu yega na turno.

Pa motibo di seguridad ta controla e cantidad di cliente cu drenta. No por laga tur hende drenta pareu. Online tambe por paga.