Awe McDonald’s tin su famoso benta di Big Mac cu lo bay pa fundacion Centro Man na Obra. Hunto cu nan lo tin un di e cantantenan conoci di Aruba, esta Roderick “Rocco” Franken.
Rocco lo t’ey pa 12’or di merdia pa tur hende cu yega McDonald’s Seroe Blanco y saca selfie cu ne. Meta di e evento aki ta pa reforsa e compromiso di McDonald’s pasobra nan kier logra un impacto positivo den comunidad local, door di sostene iniciativanan cu ta duna oportunidadnan na Rubianonan y ta yuda nan crea un miho futuro.
Henter comunidad por yega eynan y contribui cu e proyecto aki, pero tambe por saca potret cu Rocco, kende ta conoci pa su forma carismatico y positivo. E mision di Centro Man na Obra ta pa mehora e confiansa y habilidad di su clientenan, pa nan por bira mas independiente y di por haya oportunidad di trabou riba mercado laboral. Nanni Larmonie, di The Lab Digital Marketing Agency, a bisa cu nan a bende desde delanta 600 voucher y esaki ta mas di loke nan a spera. E vouchernan aki ta valido te fin di luna aki y por pasa busca nan Big Mac na un di e surcusalnan di McDonald’s. Tambe esnan cu a cumpra voucher tin e opcion di uza esaki despues y cumpra nan Big Mac awe. Pa evita aglomeracion por pasa na e drive-thru of por haci pedido pa entrega via nan whatsapp.
