Awe mainta tempran riba un diabierna pasa di 9’or y mey, gai cora a canta den Companashi. Un cas cu tabata tin trabaonan tumando luga cu ponemento di asfalt riba dak.
E cas aki, na dado momento e candela a coy riba e dak y practicamente a causa hopi daño na e cas. Ta trata aki di Celsiusstraat 16. E doño di cas a perde hopi di su cosnan, entre otro su pañanan. Dos unidad di bombero a presenta rapidamente na e adres den Companashi. Ta trata di famia Dake.
Polis a cuminsa cu investigacion mesora. Departamento di recherche, cu a presenta na e sitio, ta haciendo investigacion y tin cu bisa tambe cu a yama cuerpo tecnico, pa asina tuma e diferente evidencianan den e caso di e candela. Un candela ocasiona pa motibo di trabaonan cu tabata tumando luga riba dak.
Sra. Irene Dake, doño di cas, un persona cu tabata biba hopi aña den Companashi, ta conta cu nan tabata haci trabao p’e riba dak y inconcientemente a descuida. E parti cu a kima tabata su camber. Hunto cun’e tabata su nieto, pero su camber ta parti di caya y no a sufri daño.
E daño ta bastante.
