Pa spaar placa: AZV y SVB ta comparti salario di director

Mas o menos dos aña pasa a anuncia cu a suspende ex-director di AZV, esta Ruben Goedhoop. Esaki tabata relaciona cu un investigacion interno riba un contract cu Goedhoop a cera cu e compania Lite Life Medicab NV pa transporte di pashent sigura na AZV. Despues di esaki, ta ir. Edwin Jacobs, director di SVB a sigui y ta sigui maneha AZV como director interno. Awe mainta durante e conferencia di prensa, den cua AZV a presenta nan relato financiero pa aña 2021, a puntra Jacobs tocante esaki. 

Pues, relaciona cu e rekisito cu AZV mester a haci un recorte di 60 miyon, a cuestiona si e echo cu nan no tin nan propio director ta bezig ta spaar placa pa AZV. Na su turno, Jacobs a contesta cu AZV tin un director “mi ta nombra bij ministeriele beschikking como director di AZV te ora tin otro director” y cu sigur AZV ta bezig ta spaar placa riba esaki. Jacobs a splica cu su salario ta coresponde na e Croes-Wever norm, esta un parti ta cubri door di SVB y un parti di AZV.