Pa prome biaha Miami tin 6 siman sin asesinato desde 1957

E ordo di keda cas a pone cu crimen a baha hopi den ciudadnan rond Merca, cual ta pone cu Miami ta experenciando pa casi dos luna niun caso di asesinato. Desde 17 Februari te cu 12 April e ciudad no a conoce asesinato, cu ta 6 siman pa prome biaha desde 1960.

E rapportnan ta mustra cu e ultimo biaha cu e ciudad a experencia algo asina aki tabata 63 aña pasa, na 1957 ora cu e ciudad a dura 9 siman y 3 dia sin asesinato. Na 1960 tambe tabatin un periodo di 6 siman y 5 dia sin asesinato. Polis di Miami ta reportando e bahada di otro crimennan como tambe asesinato incluyendo violencia domestico. 

Altocomisario Jorge Colina a bisa The New York Times cu e ta considera cu por duna menos keho riba incidentenan di violencia domestico y abuso di mucha. Alcalde di Miami, Francis Suarez, a declara prome estado di emergencia dia 12 Maart, purbando p’e Coronavirus no plama lihe y a extende esaki 6 biaha.
Crimen a baha na Baltimore, Maryland despues di e orde di keda cas y crimen comun a baha cu 34%, mientras asalto a cay 17% y tiroteo a baha cu 8%.

Na Los Angeles tambe crimen a baha compara cu aña pasa. e cantidad di crimen a baha cu 9.73%, mientras asesinato a baha cu 21%. Pa loke ta Chicago, aunke cu e ciudad tin orde di keda cas, crimen a subi. Siman pasa hortamento y tiramento tabata halto, unda cu polis siman pasa diamars a bay atende 19 caso di tiramento di cual 6 di nan tabata asesinat