Pa prome biaha Boneiro, St. Eustatius y Saba lo vota pa Eerste Kamer

E votadonan di Boneiro, Sint Eustatius y Saba, cu nacionalidad Hulandes por vota pa prome biaha den historia pa eleccion di Parlamento, esta Eerste Kamer, dia 20 di Maart 2019. Tabatin poco obhecion pa otorga e derecho basico aki na e ciudadanonan di e municipionan special aki.

Pero tambe mester a resolve un problema practico: Den e parti Europeo di Hulanda, e eleccionnan di e Conseho Provicional ta determina e composicion di Eerste Kamer, pero e islanan BES no ta pertenece na un provincia.

Pa cuminsa, tabatin mester di un amienda constitucional, cu riba su mes ya ta un proceso complica y cu ta rekeri hopi tempo, pasobra Tweede Kamer tin cu vota dos biaha riba esaki y e di dos votacion solamente por tuma luga despues di e nombramento di un Kamer recien eligi.

Tabata parce logico cu e resultadonan di e eleccionnan di Eilandsraad lo celebra riba e mesun dia cu e eleccionnan provincional mester tene na cuenta pa e Eerste Kamer, pero esaki lo a opone na un obhecion fundamental.

E votadonan electoral tambe por participa den eleccionnan aunke nan no ta Hulandes y e  grupo aki ta exclui di e eleccionnan provicional na Hulanda.

Cu e apoyo di un mayoria den Tweede Kamer, Gabinete Rutte II a eligi e solucion mas facil: A dicidi cu desde awo, solamente ciudadanonan di BES cu paspoort Hulandes por vota den e eleccionnan di Eilandsraad. Eerste Kamer a nota cu esaki tabata viola e democracia local den Caribe Hulandes y a instrui Minister Plasterk pa e haci lo miho posibel.

A haya e solucion den e formacion di 3 kiescollege pa Boneiro, St. Eustatius y Saba, cu e resultado cu e Hulandesnan por vota dos biaha riba e isla, riba dia 20 di Maart, uno pa e Eilandsraad y un biaha pa Eerste Kamer. E lista di candidato pa e kiescollegenan mester wordo entrega dia 4 di Februari 2019.