Presidente di komishon di Salubridat Públiko, Medio Ambiente I Naturalesa sr. Rennox Calmes huntu ku parlamentario sra. Merelyn Moses, sra. Jacinta Constancia i sr. Meindert Rojer a duna splikashon na parlamento di Kòrsou den komishon sentral di e seminario Regional di kambio di klima i redukshon di riesgo pa desaster ku a tuma lugá na Sürnam dia 5 I 6 di novèmber 2018.
Esaki sigur ta di aploudí mirando ku pa promé bia un komishon figo di parlamento ta bini den un reunion di komishon sentral i splika e balor agregá di nan trabounan i bishita den eksterior. Esaki ta un novum.
Aparte di e 4 parlamentarionan sr. Jaime Cordoba, sra. Gisselle Mc William I sra. Gisette Seferina tambe ta forma parti di e komishon. Oposishon I koalishon pa ku e tema aki tabata riba mesun liña esta ku mester elevá esaki riba polítika I traha riba un kambio ku por sirbi pa un pais mas sano, salu I sigur pa huntu nos por garantisá pa kuida nos pais su rikesa nashonal.
Komishon di salu su meta ta pa logra organisá un seminario na Kòrsou pa asina tur eksperto riba tereno ambiental por duna nan kontribushon I alabes sinta ku minister di Salubridat Públiko, Medio Ambiente I Naturalesa sra. Susanne Camelia-Romer pa huntu por hasi algun trabou pa logra eduká I konsientisá nos poblashon pero tambe pa logra trayekto nan pa baha nos for di e lista ku Kòrsou ta 10 di mundu ku ta yuda ku polushon.
E komishon lo sòru tambe pa riba tereno di Refineria (polushon), Selikor (sushi), Ramsar (aria konserva), Supsuela (pos, awa) pa logra ku un dia nos por garantisá un mihó mayan pa nos poblashon I futuro generashon.
Komishon di Salubridat Públiko, Medio Ambiente I Naturalesa
