Pa otro luna lo tin acuerdo pa recorte di orario den sector publico

Desde cu pandemia a dal na 2020 e trahadonan publico a haya nan mes ta entrega 12.6%. Desde un principio e sindicatonan no tabata di acuerdo con gobierno a presenta nan e idea aki.

Pero aña pasa algun sindicato a cuminsa exigi pa gobierno kita e recorte salarial, pasobra a stop cu loonsubsidie y FASE. Esey a conduci na manifiesto como mandamento di carta tanto di gobierno como e sindicatonan cu ta den e lucha.

Awe durante ora di atardi algun di e sindicatonan a sinta na mesa cu gobierno pa atende e punto di recorte. Anselmo Pontilius, mediador di gobierno, a splica cu e tempo pa bini cu un protocol ta dia prome di februari proximo. Pero, segun mediador di gobierno, e idea ta pa dialuna awo, esta 31 di januari, pa yega na un acuerdo entre e sindicatonan y Conseho di Minister riba reduccion di orario entrante prome di februari.

E impasse aki e mediador no ta consider’e como un logro. Hecho ta cu e trahadonan keto bay ta den problema pa loke ta reduccion di su salario.

Pa un cobertura mas amplio lesa e edicion di TREMPAN di mañan.