“Por pick up turismo lihe, pero ta depende di e cantidad di casonan di contagio”, asina minster presidente mr. Evelyn Wever-Croes a duna di conoce awe den un conferencia di prensa. “Si e casonan sigui baha y yega bou di 100 caso activo pero tambe menos di dies caso nobo pa dia, autoridad di Merca por kita Aruba for di lista di alerta”.
E prome mandatario di nos pais a sigui bisa cu “Esey ta haci cu por biaha pa bin bek Aruba sin problema. Gobierno ta buscando otro tipo di desaroyo cu no ta depende di COVID-19 y turismo”, asina Premier Wever-Croes a enfatisa. E ta referi cu ainda e casonan activo ta sigui halto, aunke bahando drasticamente. Mester corda cu na un dado momento Aruba tabatin mas di 1600 caso activo y pa algun dia tabata e pais cu mas contagio per capita na mundo!
Ta importante pa comunidad sigui e reglanan stipula pa DVG pa hunto na elimina e virus aki y pa haci nos isla Covid-Free atrobe.
