Diasabra, 19 di september, ta tuma luga Coastal Cleanup internacional, unda cu hopi boluntario ta participa. Miyones di hende rond mundo lo haci costa di nan pais limpi. Na Aruba Marinierskazerne Savaneta ta participa na e evento aki.
Como Marinierskazerne Savaneta ta sostene metanan, asina Kazerne Adjudant, Arthur van Hofwegen, a bisa. E militarnan kier a aporta na e iniciativo di limpiesa. Sesenta militar di diferente sector a participa awe. E iniciativa aki a bin di Wesely Aartman, Korporaal der Mariniers, y asina nan a cana haci limpi.
Aartman a bisa di a mira e evento di limpiesa mundial y nan a dicidi di participa na dje. Tin hopi hende participando y pa avisa riba esaki a pone informacion riba diferente caminda. A haci esey pa partnernan di Marinierskazerne mes participa.
E area cu lo haci limpi ta desde Baby Beach te Vaderpiet, asina Aartman a bisa. E ta un distancia grandi pero hunto cu milicia Arubano a haci limpi banda di cementerio di bestia.
E militarnan mes a haci limpi banda di Boca Grandi te Vaderpiet. E ta gradici tur boluntario cu a participa na esaki, di cual mas of menos 130 persona a inscribi. Nan ta pidi e poblacion Arubiano pa participa tambe y por inscribi na e pagina di Facebook International Coastal Cleanup Day.
