Pa falta di preferencia dos auto a accidenta

Den careda di 2:30 pm a pasa un accidente entre dos auto na e crusada di Sorsacastraat y Scopapelstraat den Dakota. E chauffeur di e Suzuki Liana no a para pa duna preferencia. Polis a presenta na e sitio pa asina tuma dato di loke a pasa.

E Suzuki Liana a yega e crusada y a dal contra un Ford Fusion cu tabata tin algun mucha aden. E ocupantenan di e Fusion no a resulta herida. Entre e muchanan cu por a cana bay, a haci esey.

Ambulance tambe a presenta na e sitio, unda cu e paramediconan a haci chekeo riba un hende muhe y un baby di e Liana. Daño material tabata hopi, specialmente di e Liana cu a haya mas sla.