Dato na Kòrsou ainda ta difísil pa yega na dje. Sinembargo atrabes di diferente investigashon i kombersashonnan Fundashon Alton Paas por konkluí ku pa aña por spera 400 persona di Kòrsou ku a haña un parálisis. Sea pa motibu di un atake selebral òf dwarslaesie.
Bo por slep kai i haña un fraktura na bo wes’i lomba, bo por ta komiendo kubo famia i diripiente bo ta sinti bo lenga pisa. Ta señalnan òf situashonnan ku ta kousa parálisis. E temporada aki Fundashon Alton Paas ta pone hopi énfasis riba e evento benidero ‘The Annual Fitness Challenge’ ku ta dia 10 di mart awor.
Ta e situashon aktual den nos komunidat ta eksihí di nos komo pueblo pa hasi un diferensia. Atake selebral i dwarslaesie ta dos situashon ku por prevení. Atake selebral nos por prevení atraves di un dieta balansa, ménos tres i moveshon físiko. Dwarslaesie mayoria bia ta via di aksidente. Pues nos komportashon den tráfiko, medidanan di prekoushon ora ta subi kualke dak òf haltura i tin bia asta rekonosé e señalnan kubo kurpa ta dunabu di lam na man i pia ku por monitoria i tratá pa minimalisá dañonan na e nervionan den bo wes’i lomba. Via e Fitness Challenge nos ta pone e kurpa den moveshon pa e hasi lokual ku e ta traha pa has, sea via di e kaminata, e seshon di fitness manera yoga, zumba, salsamania i hopi mas.
Despues ku abo a partisipá pa abo keda salu ta bin e otro parti di bo bisiña, konosí òf famia ku si a hañ’é ku e situashon por bai dilanti pasobra aboa skohe di partisipá. Bo ta hasi posibel ku un persona ku sea dwarslaesie, atake selebral òf kualke otro situashon neurologiko por mehorá nan kalidat di bida atraves di e sentro di ehersisio spesial ku tin, transporte aksesibel i sosial i diferente otro inisiativa mas ku ta krea inklushon pa e persona por partisipá aktivamente den komunidat. Tur esei abo por hasi posibel kubo partisipashon na kualke un di e tres áreanan di nos Fitness Challenge. Sea kaminata di 5 òf 10km, e sekshonnan di fitness den sala òf spinning pa grupo. Fundashon Alton Paas ke enkurashá i mobilisá Kòrsou kompletu pa sali kumpra bo karchi mesora na Samsom Colon, Mensing’s Caminada, Van Den Tweel Zeelandia i tambe Sport Spot Boutique. Kumpra bo karchi pasobra #AboTambePor.
