Pa algun dia: E barco USNS Burlington ta ancra den waf

E barco USNS Burlington (T-EPF-10) ta na Aruba entre 4 pa 7 di augustus pa descansa y recupera. E spearhead-class USNS Burlington ta un barco di transporte rapido uza pa transporta personal of te 600 ton di carga y por opera den condicion duro. 

Ta prome biaha cu e barco Spearhead Class ta mara den waf na Aruba. E bishita lo brinda mariniernan di Burlington e oportunidad di experencia e cultura di Aruba.

USNS Burlington ta den lama Caribe y bou mando di e U.S. Naval Forces South (NAVSOUTH) di cuater flota cu ta apoya e U.S. Southern Command (USSOUTHCOM) y ta combina e operacionnan militar. Militar Mericano ta haci uzo di forsa maritimo den operacion cooperativo di siguridad maritimo pa fortalece control y construi e asociacionnan duradero. E operacionnan aki ta mehora e siguridad regional y ta promove paz, stabilidad y prosperidad den Caribe, Sur America y America Central.