Directora di Biblioteca Nacional Aruba, Astrid Britten, a ricibi for di autor local, Vivienno Frank, dos ehemplar di su publicacion ‘Outpost Alto Vista and other cosmic horrors from Aruba’. Tin e buki aki pa fia como tambe otro bukinan di e mesun autor. Frank (’59) a specialisa su mes den genero di horor y ta trece 5 storia yen di tension y suspenso cu ta pone bo sinta na punta di bo stoel. Frank jr. ta gusta conta storia y ta fascina cu e genero di ‘cosmic horor’ como tambe thriller sicologico, misterio y novelanan gotico. A publica ‘Outpost Alto Vista’ na november 2020 via lulu.com ISBN-13 : 978-1716408984. Esaki ta un buki skirbi na Ingles. Riba potret por mira e autor cu directora di BNA. Otro titulo di e autor ta ‘Damnatio ad bestias’. Biblioteca Nacional tin e buki aki como prestamo como tambe otro bukinan di e mesun autor.
