Otro pashent (15) a perde guera contra Coronavirus

Intensive care unit with ECG monitor

Directie Volksgezondheid Aruba (DVG) a informa awe cu 38 pashent a recupera di Coronavirus, pero acerca a bin 33 caso nobo di COVID-19, di cual tur ta residente. Esaki ta haci cu tin un total di 1223 caso activo awe riba nos isla. E cantidad di testnan haci ta 300 y e cifra di morto a aumenta na 15, condolencia na famianan di e fayecido. 

Den hospital tin un total di 33 persona interna, di cual 9 ta den cuido intensivo y 24 ta isola riba piso general. Ta corda publico pa cuida curpa y mantene distanciamento social y reglanan di higiena. Si tin sintoma, yama bo Dokter di cas pa e regla pa bo haci test. Aunke cu si tin sintoma ta conseha pa bay den cuarentena mesora, mientras ta pendiente pa resultado di bo test.